Функционална магнетна стимулација (FMS)

Карактеристики

Типични индикации

• Мускулни повреди и истегнувања
• Мускулна слабост и атрофија по имобилизација
• Болни точки и мускулен спазам
• Рехабилитација по операција
• Невромускулни дисфункции
• Болни синдроми на вратниот и лумбалниот ’рбет
• Хронични мускулоскелетни состојби
• Нарушена стабилизација и моторна контрола
• Подобрување на локалната циркулација

Во невролошката рехабилитација

• Состојби по мозочен удар и парези
• Периферни нервни повреди
• Одредени периферни невропатии
• Нарушена нервно-мускулна активација и моторна контрола

Кај невролошките состојби примената секогаш се определува индивидуално, во согласност со дијагнозата, функционалниот статус и целите на рехабилитацијата.

Како функционира

FMS создава пулсно магнетно поле кое продира низ облеката и површинските ткива и индуцира електричен импулс во нервните структури. Кога стимулацијата ќе го достигне потребниот праг, доаѓа до активирање на моторните нерви и контракција на мускулатурата.

Така може да се стимулираат мускули што кај одредени пациенти тешко се активираат волево, или кај кои поради болка, повреда, имобилизација или невролошко нарушување е намалена нормалната нервно-мускулна активација.

FMS и активната рехабилитација

Во Кинезика FMS не ја гледаме како замена за активното движење и терапевтските вежби. Нејзината најголема вредност е кога се комбинира со кинезитерапија и функционална рехабилитација: мускулот што го стимулираме постепено се вклучува во контролирано движење, а потоа и во функционални активности.

Не секоја болка или мускулна слабост е индикација за магнетна стимулација, затоа секогаш претходи физиотерапевтска проценка.